Rev 4 | MEU | STEP | Ini ḡau muridiai na roha lao, guba ai iduara ta e hekeho na itaia, bona ere, na kamonai guna ḡauna, kibi reḡena na heto, ese e hereval henigu, eto, A dae aoma, gabeai bae vara ḡaudia baina haheitalaimu.

Revelation of John 4

Guba na itaia

1 Ini ḡau muridiai na roha lao, guba ai iduara ta e hekeho na itaia, bona ere, na kamonai guna ḡauna, kibi reḡena na heto, ese e hereval henigu, eto, A dae aoma, gabeai bae vara ḡaudia baina haheitalaimu. 2 Lauma ese e rohegu, bena guba ai terono ta na itaia, bona ta latanai e helai kau. 3 E helai kau tauna ita-itana na iaspi ^{▼▼Iaspi: Sadio: Samarago. Ini na nadi hururu-hururudia haida, asi ladadia Motu gado ai dainai Helene gado ai vada e tore.} bona sadio nadidia na heheto; bona kevau ese terono e ḡeḡea dae, ita-itana na samarago nadina na heto. 4 Terono ruahui-hani ese terono badana e laia heḡeḡe, bona heitatao taudia ruahuihani unu terono latadiai e helai; kwaradia na mai havava ḡaudia, gold ḡaudia. 5 Terono amo kevaru bona ere bona guba-rahu e lasi; bona terono vairanai lamepa auhitu e ara mai hururu-hururudia, Dirava ena lauma hahituosi bunu. 6 Bona terono vairanai danu davara, hevarivari na heto, e mia. Bona terono lalonai bona heḡeḡenai mauri ḡaudia hani mimia, vairadia kahadia ai bona muridia kahadia ai matadia na momo.

7 Mauri ḡauna gini-gunana na leona na heto; iharuana na boromakau natuna na heto; ihatoina vairana na taunimanima vairana na heto; ihahanina na ugava e rohomu na heto. 8 ldia haniosi hanidia na tauratoi tauratoi amo. Murimuridia ai bona lalodia ai matadia na momo. Idia na dina hanuaboi laḡadia asie animu; e herevamu, e tomu,

Helaḡa, Helaḡa, Helaḡa;
Lohiabada na Siahu Idoinai Diravana;
E nohova, e nohomu, bona baine noho.
9 Bena hari mauri ḡaudia ese Mauri Hanaihanai Diravana terono ai e helaimu na e imodaiamu bona e heatolaiamu bona e hanamoamu negadia ai, 10 heitatao taudia ruahui-haniosi ese terono ai e helaimu Diravana vairanai e goru dihomu, Mauri Hanaihanai Diravana e toma henia dihomu, edia havava ḡaudia na terono vairanai e nege dobimu, e tomu,

11 Emai Lohiabdda, emai Dirava e,
Namona binai:
Hairai bona hemataurai bona siahu bavabi.
Badina be oi ese ḡau iboudiai o havara,
E;mu ura dainai o karadia bona e miamu.